Ann pran konsyans
Se pou nou tout konnen
Fòs nou se nan linyon l ye.
Pi bon zanmi'w genyen jodi a,li kapab pi gro lènmi w demen.konsa tou pi gro lènmi'w genyen jodi a,li kapab pi bon zanmi'w demen.
Si'w pa ka di yon bagay ki bon sou yon moun,silans!
Toujou sonje itilize tès 3 paswa Socrate la avant tout.
Renmen moun ki renmen'w ni moun ki rayi'w.
Tout moun ki fè'm lagè mwen renmen yo.
Mwen mande Granmèt la benediksyon pou tout moun ki bay mwen madichon.
Mwen anvi wè yon ti respè k'ap renye nan mitan nou pou sispann gen trèt.
Mwen mande nou tanpri yon ti kal respè pou sa'm ye a,pa pou sa'm posede.
Menm si'w te gen po nwa m te gen po klè ou blan,se yon sèl san k ap koule nan venn nou.
Pa fè pèsòn mal,ou kapab peye sa trè chè demen.
Mond la se tankou fab de la fontaine nan *Les animaux malade de la peste*.
Mh! yon ti kalkil pou'n konn konbyen sèvèl ki boule ou konbyen bèl kran nou kraze nou pilonnen anba pye tankou jan atis BIC chante'l la.
Paske nou pa bay yo valè.
Nou kite yo al lòt kote,swa nan peyi san chapo,ou nan peyi etranje.
Men si n met tèt ansanm deja nou se fòs,nou se kouraj,nou pap sispann lite.
Se pou sa m ap lanse mesaj sa.
Fè yon ti reflechi,kite'l touche konsyans nou.
Deja m espere ke l ap demare kèk may nan chenn nan.